لاہور(نیوزڈیسک)) ہالی ووڈ کی کامک بُک کردار ’مسٹر فنٹاسٹک‘ کو کون نہیں جانتا جو اپنے لچکدار جسم کی بدولت ہر طرح کے کام سرانجام دے سکتا ہے لیکن حقیقی زندگی میں ایسا کرنا ناممکن دکھائی دیتا ہے۔ امریکی نوجوان جارج آئیوان ایک ایسا انسان ہے جسے اس کے لکچدار جسم کی بدولت ’مسٹر فنٹاسٹک‘ کا نام دیا گیا ہے۔ جارج آئیوان روبیل جس کی عمر صرف 24 سال ہے نے اپنے لکچدار جسم کی وجہ سے دنیا بھر کے میڈیا کو اپنی توجہ کا مرکز بنایا ہوا ہے۔ موصوف نہ صرف ناممکن حد تک اپنے جسم کو کھینچ سکتے ہیں، اپنے جسم کے جوڑوں کو بھی الگ کر سکتے ہیں بلکہ مضحکہ خیز حد تک اپنی آنکھوں کو بھی باہر نکال سکتے ہیں۔ ایک مظاہرے کے دوران انہوں نے خود کو ایک سوٹ کیس میں بند کر لیا تھا۔
جارج آئیوان روبیل اپنی خداد صلاحیتوں کا مظاہرہ کرنے کیلئے دنیا بھر کا دورہ کرکے بے پناہ داد وتحسین سمیٹ چکے ہیں۔ طبی ماہرین کا کہنا ہے کہ جارج آئیوان روبیل Ehlers-Danlos Syndrome میں مبتلا ہیں جس کی وجہ سے جسم میں کولاگن کی افزائش رک جاتی ہے اور جسم کی کھال ڈھلکنا شروع ہو جاتی ہے۔