اسلام آباد(نیوزڈیسک ) زمبابو ے میں شیر نے سفاری ی گائیڈپرحملہ کردیا۔ زمبابوے میں ایک شیر نے ایک سفاری گائیڈ کو زخمی کر دیا جو بعد میں چل بسا۔ دلچسپ بات یہ ہے کہ یہ واقعہ اسی ہوانگے نیشنل پارک میں پیش آیا جہاں ایک امریکی دندان ساز نے کچھ ہفتے پہلے سیسل نامی شیر کا شکار کیا تھا۔ کوئن سویلز نامی سفاری گائیڈ ایک گروپ کو پیدل سفاری کے لیے پارک میں لے گیا تھا، جہاں اسے دو شیر، دو شیرنیاں اور دو شیر کے بچے نظر آئے۔ وہ گروپ کو لے کر ان شیروں کے قریب گیا تو ایک شیر نے گروپ پر حملہ کر دیا۔ کوئن نے سیاحوں کے گروپ کو تو بچا لیا لیکن شیر کے حملے سے اس کے جسم پر گہرے زخم آئے۔ اسے اسپتال پہنچایا جہاں جہاں وہ دم توڑ گیا۔ کچھ مبصرین کا خیال ہے کہ شیر نے ایک انسان پر حملہ اسی پارک میں کیا ہے جہاں کچھ ہفتے پہلے ایک انسان نے ایک شیر کا شکار کیا تھا۔ اس لیے یہ بھی ہو سکتا ہے کہ شیروں نے اپنا بدلہ لیا ہو۔