میامی(نیوز ڈیسک)شادی کو یادگار بنانے کے لیے لوگ نت نئے اور انوکھے طریقے ڈھونڈتے ہیں۔ ایسے ہی موقعے کی تلاس میں ایک امریکی جوڑے نے سمندر کی گہرائی میں شادی رچائی۔ دنیا میں ہر کوئی اپنی شادی کی تقریب خوبصورت اور یاد گار بنانا چاہتا ہے۔ میامی کے نوجوان جوڑے کی یہی خواہش انہیں فلوریڈا کے جزیرے کی لارگو کے ساحل پر لے آئی۔ انہوں نے شادی کے لیے دن اور مقام کا انتخاب مشہور زیر آب مجمسہ کرسٹ آف دی ڈیپ کی تنصیب کے 50سال مکمل ہونے کی مناسبت سے کیا۔ دولہا دلہن ماسک اور ڈائیونگ سوٹ پہنے گہرے سمندر میں اتر گئے۔ 25فٹ گہرائی میں مجسمے کے ساتھ شادی کی مکمل رسومات ادا کی گئیں اور سرٹیفکیٹ بھی جاری کیا گیا۔