اوسلو (نیوز ڈیسک) غیر ملکی خبر رساں ادارے کے مطابق سویڈن سے تعلق رکھنے والی ایک دوشیزہ ایک جنونی قاتل کو دل دے بیٹھی ہے۔ ناروے میں 77 افراد کو اپنی گولیوں کا نشانہ بنانے والے آندرس بیہرنگ بریوک کو سیکنڑوں خط لکھ چکی ہے جس میں اس سے اظہار محبت کرتے ہوئے کہا گیا ہے کہ اس کا دل اس جنونی قاتل کے آئے دھڑکتا ہے اور وہ اس کے بغیر نہیں رہ سکتی۔ میں بریوک کو خود سے جدا محسوس نہیں کر سکتی۔سویڈن سے تعلق رکھنے والی یہ دوشیزہ ناروے میں معصوم افراد کا بہیمانہ قتل کرنے والے اس قاتل سے اتنا بے تکلف ہے کہ وہ جب بھی خط لکھتی ہے اس کے پہلے ہی نام سے مخاطب کرتی ہے۔ اس دوشیزہ کی عمر بیس سال کے لگ بھگ ہے کی نظر میں اس کے محبوب کو قید تنہائی میں رکھنا تشدد کے مترادف ہے۔ یہ دوشیزہ کچھ تحائف بھی بھیج چکی ہے جن میں نیلے رنگ کی ایک ٹائی بھی ہے جسے بریوک نے مقدمے کی کارروائی کے دوران کئی مرتبہ پہنا بھی تھا۔