اسلام آباد ( نیوزڈیسک) ہوائی جہاز پر سفر کے مزے لینے والے حضرات سفر سے متعلق نئی خبر سننے کے لیے تیار ہو جائیں ۔ہوائی جہاز کا سفر اب اتنا آرام دہ نہیں رہے گا جتنا وہ خیال کرتے تھے۔ ازبکستان ایئر لائنز نے ہوائی سفر سے متعلق ایک نیا اعلان کر دیا ہے ،ان کا کہنا ہے اب جہاز کے مسافروں کا فرداََ فرداََوزن کیا جایا کرے گا اور نہ صرف سواریاں بلکہ ان کا سامان بھی اب وزن کروائے بغیر جہاز میں نہیں رکھا جائے گا۔ائیر لائنز حکام کے مطابق یہ تمام کاروائی جہاز کا مکمل وزن جان کر سفر اور زیادہ محفوظ بنانے کے لیے کی جا رہی ہے ۔ اس نئی اطلاع کے بعد ہر سواری کو ایک مخصوص وزن کرنی والی مشین اپنا اور اپنے سامان کا وزن کرانا ہوگاتاہم ابھی یہ واضح نہیں کیا گیا کہ ائیر لائن کتنے سامان یا وزن والے مسافر کو سفر کی اجازت دے گی ۔ اس سلسلے میں یہ بات بھی قابل غور ہے 2013 کے ایک قانون کا اطلاق اس نئی اطلا ع میں نہیں کیا جا ئے گا جس کے مطابق سواریوں کا ٹکٹ ، یا پیسے ان کے سامان اور وزن کے مطابق کاٹے جاتے تھے۔ انٹرنیشنل ائیر ٹرانسپورٹ ایسوسی ایشن کے ترجمان نے CNN کوبیان دیتے ہوئے کہا ایسے آئی اے ٹی اے کے قوانین میں میں ایسے کسی قانون کے وجود سے آگاہ تو نہیں ہیں تاہم مختلف ایئر لائنز سفر میں آسانی ،جہاز اورمسافروں کی حفاظت کے لیے ایسے قانون بنا سکتی ہیں ۔ ازبکستان ائیر لائن کے حکام نے مزید کہاکہ مسافروں سے متعلق معلومات کو خفیہ رکھا جا ئے گا اور وہ اس سلسلے میں مسافروں کے تعاون کا پیشگی شکریہ ادا کرتے ہیں ۔