نیویارک(نیوز ڈیسک)مشرق میں کھانے پینے کی چیزوں کو چوہوں کی پہنچ سے دور رکھا جاتا ہے، لیکن جناب مغرب میں تو ان کے ٹھاٹ ہی نرالے ہیں۔ یقین نہ آئے تو امریکہ کے ایک گھر میں مقیم ان پالتو چوہوں کو ہی دیکھ لیجئے، جن کے لیے ان کے مالک نے ڈزنی لینڈ کی خصوصی تفریح کا اہتمام کیا ہے۔ دعوت کے موقع پر چوہوں کے مالک نے ان کے لیے نہ صرف مزے مزے کے کھانے تیار کیے، بلکہ ڈزنی لینڈ کی طرح کے کئی جھولوں پر چوہوں کو خوب تفریح کروائی۔ واضح رہے کہ مالک کے لاڈ پیار میں پلنے والے یہ پالتو چوہے انٹرنیٹ پر کافی مقبولیت حاصل کر چکے ہیں۔