دبئی(نیوزڈیسک) العربیہ ڈاٹ نیٹ کے مطابق متحدہ عرب امارات کے نائب صدر اور حاکم دبئی الشیخ محمد بن راشد آل مکتوم جنگلی علاقے کی سیر کے لیے گئے جہاں ان کے ہمراہ ان کی بیٹی اور چین کا ایک وفد بھی تھا۔ اس وفد کے لیے انھوں نے کھانا خود اپنے ہاتھوں سے تیار کیا۔ بعد ازاں سماجی رابطے کی ویب سائیٹ “فیس بک” پر پوسٹ کی گئی ایک تصویر میں بھی انہیں کھانا بناتے دکھایا گیا ہے۔ اپنے ٹیوٹر اکائونٹ پر انہوں نے لکھا کہ دوستوں کے لیے کھانا خاص اہتمام سے تیار کیا جانا چاہیے۔ مجھے اپنے دوستوں کے لیے کھانا بناتے ہوئے بہت مزہ آتا ہے اور بہت خوشی ہوتی ہے۔ الشیخ راشد ایک فطرت پسند انسان ہیں لیکن وہ سیر و سیاحت، قدرتی مقامات سیر اور شکار کے بھی حد درجہ شوقین ہیں۔ وہ اکثر شکار اور سیاحت کے دوروں کے دوران لی گئی تصاویر کو”انسٹا گرام”، “فیس بک” اور “ٹیوٹر” پر پوسٹ کرتے رہتے ہیں۔