اسلام آباد(نیوز ڈیسک)سوشل میڈیا جہاں لوگوں کو ایک دوسرے سے رابطے میں رہنے کی سہولت فراہم کرتاہے ، وہیں اجنبیوں کو بھی ایک دوسرے سے واقفیت ہوتی ہے ، ایسی ہی ایک امریکی خاتون کا پاکستانی شخص سے رابطہ ہواجو بعد میں محبت میں بدل گیا اور دل کے ہاتھوں مجبور امریکی خاتون پاکستان چلی آئی جہاں اسلام قبول کرکے شادی کرلی۔ تفصیلات کے مطابق ڈی سی کالونی کے رہائشی 38 سالہ انجم ریاض کی فیس بک پر فلوریڈا کی رہائشی 39 سالہ خاتون لیا سموکس کے ساتھ دوستی ہو گئی جو کئی سال چلتی رہی جس کے بعد لیا سموکس انجم ریاض سے ملنے کیلئے پاکستان پہنچ گئی اور اسلام قبول کرنے کے بعد شادی کرنے کا فیصلہ کر لیا۔ دونوں گوجرانوالہ کچہری پہنچے جہاں پر نکاح خواں قاری اسد اللہ نے لیا سموکس کو کلمہ پڑھوایا اور بعد ازاں دونوں کا نکاح بھی کر وا دیا۔ اس موقع پردولہا انجم ریاض میڈیا سے روپوش رہا جبکہ لیا سموکس خوشی خوشی ضلع کچہری میں اپنی گاڑی میں بیٹھ کر گھر کو رخصت ہو گئی۔