ماسکو ( نیوز ڈیسک)روس میں مقامی سطح پر تیار کیے گئے جہازوں کی اڑان کا انوکھا مقابلہ ہوا جس میں کوئی جہاز فضا میں بلند تو نہ ہو سکا البتہ پانی میں گر کر تیرتے ہوئے ضرور دکھائی دیا ۔ ماسکو میں جانوروں اور کارٹون کی شکل کے گھریلو ساختہ جہازوں کا ائیر شو منعقد کیا گیا ۔ فلائنگ ٹیموں نے ائیرکرافٹس کی تیاری میں مہارت دکھائی ۔ عجیب و غریب ساخت کے حامل یہ جہاز چھوٹے سے رن وے پر دوڑتے تو رہے لیکن اڑان بھرنے کے بجائے سیدھا پانی میں جا گرے ۔ رنگا رنگ ائیر شو میں لوگوں نے روسی صدر ولادی میر پیوٹن اور امریکی صدر باراک اوباما کے ماسک پہن رکھے تھے ۔