گوجرانوالہ(نیوزڈیسک )گوجرانوالہ کی سیشن کورٹ میں ایک مقدمہ میں پیشی پر آئی ہوئی دو خواتین آپس میں لڑپڑیں جس پر پولیس نے دونوں کوحراست میں لے کر حوالات میں پہنچا دیا۔بتایا گیا ہے کہ دونوں خواتین ایک مقدمہ کے سلسلے میں عدالت آئی تھیں جہاں پہلے ان میں تکرار ہوئی او رپھر انہوں نے ایک دوسرے پر حملہ کردیا۔دونوں خواتین نے ایک دوسرے پر تھپڑوں کی بارش کر دی او رگالیاں بھی دیں اس موقع پر موجود لوگوں نے بیچ بچاو¿ کی کوشش کی لیکن وہ ناکام ہوگئے۔اس صورتحال پر لوگوں نے وہاں موجود پولیس اہلکاروں کو آگاہ کیا جنہوں نے پہلے تو انہیں الگ کرنے کی کوشش کی لیکن جب اس میں کامیابی نہ ہو سکی تو پولیس نے انہیں نقص امن کی دفعہ کے تحت حراست میں لے کر حوالات پہنچا دیا۔