نیویارک(نیوزڈیسک)دوسری شادی کاشوق نہیں ،کرنی ضرورہے ,امریکی شہری کے خیالات جان کرآپ حیران رہ جائیں گے . امریکی ریاست ورجینیا میں ایک شوہر نے اپنی بیوی سے دوبارہ شادی کرنے کا فیصلہ کر لیا ہے لیکن شوق سے نہیں، مجبوری سے۔ میریون کے رہائشی 21سالہ جیرمی سٹیمپر کو اچھی طرح یاد ہے کہ اس کی شادی کا دن کتنا خوبصورت تھا، اس کی شادی میں خاندان اور دوستوں سمیت 75افراد شریک تھے۔ لیکن شادی کے محض 19دن بعد جیرمی اور اس کی بیوی کا ایک کار ایکسیڈنٹ ہوا جس میں اس کی بیوی کی یادداشت جاتی رہی، وہ یہ بھی بھول گئی کہ اس کی شادی ہو چکی ہے اور جیرمی اس کا شوہر ہے۔حادثے کے ایک سال بعد جیرمی نے سوچا کہ صرف ایک ہی چیز ہے جو اس کی بیوی کی یادداشت کو بہتر بنا سکتی ہے اور وہ ہے دوبارہ شادی، لہٰذا اس نے دوبارہ اپنی ہی بیوی کو ”پروپوز“ کیا جس نے رشتہ منظور کر لیا۔ جیرمی کا کہنا ہے کہ ہم جلد دوبارہ شادی کرنے جا رہے ہیں اور اس بار پہلے کی نسبت زیادہ دھوم دھام سے کریں گے۔ اس نے کہا کہ ہمارے پاس یادوں کے سوا ہے ہی کیا، وہ بھی ہم سے ایک لمحے میں چھن جاتی ہیں اور پھر کبھی واپس نہیں آتیں، اس لیے میں اپنی بیوی کو نئی یادیں دینا چاہتا ہوں