میلبورون(نیوزڈیسک) آسٹریلیا میں محکمہ بلدیہ نے شہر میں موجود ہر درخت کے لیے ایک آئی ڈی کا اجرا کیا ہے جس کے بارے میں ای میل بھیجی جاسکتی ہے تاکہ لوگوں ان درختوں کی کیفیات اور اس کے بارے میں شکایات کرسکیں لیکن اس کی بجائے عوام نے درختوں کو ایسی ای میل بھیجنی شروع کردی ہیں جنہیں محبت نامے قرار دیا جاسکتا ہے۔ایک شخص نے ایلم نامی درخت کو ای میل پیغام بھیجتے ہوئے کہا کہ میں آج کالج جارہا تھا تو ٹھٹھک کر رگ گیا کسی شاخ سے الجھ کر نہیں گرا بلکہ آپ کے حسن کی وجہ سے وہاں رکا کیونکہ آپ بہت پرکشش درخت ہو۔یہ میلبورن کے ہزاروں شہریوں کی جانب سے درختوں کو بھیجے جانے والے محبت ناموں میں سے ایک ہے۔شہری انتظامیہ نے سال 2013 میں ہردرخت کی ایک شناخت(آئی ڈی) اور ای میل ایڈریس دیا تھا تاکہ وہ ان کی کیفیات اور خطرناک شاخوں کے بارے میں ادارے کو آگاہ کرسکیں لیکن لوگوں نے ای میل میں ان درختوں سے اظہارِ عشق شروع کردیا اور مسائل کی بجائے ان کی تعریف شروع کردی۔ شہر کے کونسلر کا کہنا ہے کہ لوگ بلدیہ کی بجائے براہِ راست درختوں کو مخاطب کررہے ہیں تاہم حکومتی ادارہ چاہتا تھا کہ شہری درختوں کے مسائل میں دلچسپی لیں تاکہ شہری معاملات میں ان کی شرکت ہوسکے۔