بیجنگ (نیوزڈیسک )چین میں کروڑ پتیوں کی دوسری نسل نے پورے معاشرے کا تانا بانا ہلاکر رکھ دیا۔ ان کے کتے ایک نہیں دو دو ایپل گولڈ واچ پہنتے ہیں۔ جبکہ یہ نوجوان اپنی دولت کی چھچھورے طریقے سے نمائش کرتے ہوئے اپنی تصاویر سوشل سائٹ پرپوسٹ کرتے ہیں ۔
چینی زبان میں فیورڈائیکے نام سے معروف کروڑ پتی نوجوان نسل مہنگی ترین اسپورٹس کاریں رکھتی ہے جبکہ ملٹی ملین ڈالر اکانٹس کے مالک یہ لڑکے لڑکیاں کرنسی نوٹوں کو آگ لگاتے ہوئے اور نوٹوںکی گڈیوںکے اوپر لیٹ کر لی گئی اپنی تصاویر سوشل سائیٹ پر شئیر کرتے ہیں۔ ایک تصویر میںایک ماڈل گرل پانچ لاکھ برطانوی پانڈ مالیت کا کیسینو چپس پکڑے ہوئے ہے جبکہ ایک نوجوان نے درجن بھر ایسکارٹ یا پلے گرلزکے ساتھ تصاویر شئیر کی ہیں۔ انتہائی مہنگے پرفیوم ،اور جیولری ان کے لئے روزمرہ کے جبیب خرچ کی حیثیت رکھتی ہے جبکہ مہنگی ترین گاڑیوں کو کھلونوں کی طرح استعمال کرکے پھینک دینا ان نوجوانوں کی عادت ہے ، چینی صدر شی جن پنگ نے ان بگڑے ہوئے نوجوانوں کے خلاف کارروائی کا حکم دیا جس پر کریک ڈان کے دوان پکڑے گئے درجنوں افراد کوسوشل سروس کرنے کی سزا سنائی گئی تاخیرسے آنے میں انہیں ایک سو ڈالر جرمانہ بھی کیا گیا لیکن تجزیہ کاروں کا کہنا ہے کہ یہ نوجوان نسل ایسے نہیں سدھرے گی ۔یہ نوجوان سمندر میں پرتعیش کشتیوں پر سیکس پارٹیوں کا انعقاد کرتے ہیں۔جہاں 62ہزار ڈالر فی رات والی طوائفیں بک کی جاتی ہیں۔جبکہ ان پارٹیوں میں پرفارم کرنے کے لئے دنیا بھر سے گلوکاروں اور ڈانسرز کو منہ مانگے داموں پر مدعو کیا جاتا ہے۔