اسلام آباد (نیوز ڈیسک )ملازمین کی بھرتی کے لئے تو اشتہار دئیے جاتے تھے لیکن اب محبوباﺅں کی بھرتی کے لئے بھی اشتہارات کا استعمال شروع ہوگیا ہے۔چینی شہر وو ہان کی ہوازونگ یونیورسٹی آف سائنس اینڈ ٹیکنالوجی میں طلبا وطالبات ایک منفرد قسم کا اشتہار دیکھ کر حیران رہ گئے جو ایک بڑے چارٹ پر درج تھا اور اسے ایک نمایاں مقام پر آویزاں کیا گیا تھا۔ اشتہار دینے والے صاحب خود بھی اس کے قریب موجود تھے اور سوٹ اور ٹائی پہنے ہوئے آنے والوں کو معلومات بھی فراہم کررہے تھے۔ اشتہار کے مطابق ان صاحب کو ایک محبوبہ کی ضرورت تھی جس کی مطلوبہ قابلیت میں عمر، قد، تعلیم اور وزن کا ذکر کیا گیا تھااور یہ بھی بتایا گیا تھا کہ مادیت پسند لڑکیوں کو خوش آمدید نہیں کہا جائے گا۔اشتہار دینے والے صاحب کا کہنا ہے کہ انہوںنے دو سال قبل اسی یونیورسٹی سے تعلیم مکمل کی اور اب ایڈورٹائزنگ کے شعبے میں ملازمت کررہے ہیں۔ وہ کہتے ہیں کہ اپنی غیر معمولی مصروفیات کی وجہ سے وہ رومانوی ساتھی کی تلاش پر وقت صرف نہیں کرسکتے
مزید پڑھئے:پاکستان موٹاپے کے شکارافرادمیں برطانیہ سے آگے
لہٰذا ایک اشتہار آویزاں کردیا ہے جس پر سوشل میڈیا کنٹیکٹ اور فون نمبر بھی دیدیا ہے۔اشتہار دینے والے صاحب تو بہت سنجیدہ نظر آتے ہیں لیکن تاحال کسی بھی خاتون امیدوار نے اس آسامی کے لئے دلچسپی کا اظہار نہیں کیا ہے۔
