اسلام آباد (نیوز ڈیسک )سعودی اخبار کے مطابق احمد صالح الغامدی نامی نوجوان سعودی عرب کے علاقے العقیق کا رہائشی ہے اور اہلخانہ کے ساتھ صحرا میں تفریح کے لئے گیا تھا لیکن بدقسمتی سے گاڑی خراب ہونے کے باعث نوجوان اہلخانہ سے بچھڑ گیا اور مزے کی بات یہ ہے کہ اس کا فون بھی دوسری گاڑی میں اہلخانہ کے پاس تھا۔سعودی نوجوان نے پیدل چلنا شروع کیا لیکن غلط سمت میں جانے کی وجہ سے راستہ بھٹک گیا اور تین روز صحرا میں راستہ تلاش کرتا رہا۔ اس دوران یہ بھوکا پیاسا رہا۔ جب راستہ تلاش کرنے میں ناکام رہا تو مایوس ہوکر ایک گڑھا کھود کر اس میں لیٹ گیا۔ احمد صالح الغامدی نے کہا ہے کہ میں نے یہ سوچ کر گڑھا کھودا کہ خود کو ٹھنڈ اور جنگلی جانوروں سے محفوظ رکھ سکوں اور اگر مرگیا تو یہی گڑھا میری قبر بھی بن جائے گا لیکن تیسرے روز جب گڑھے میں لیٹا موت کا انتظار کررہا تھا اور انتہائی کمزور ہوچکا تھا تو اس مقام سے اتفاقیہ گزرنے والے چند راہگیروں کی نظر اس پر پڑ گئی۔ ان راہ گیروں نے نوجوان کو فوراً ہسپتال پہنچایا جہاں اب اس کی حالت بہتر ہے۔
مزید پڑھئے:چین : انجیلینا جولی کی شخصیت سے بے حد متاثر ہوں،چارلیز تھیرون
