اسلام آباد (نیوز ڈیسک )ایک بیگم کی موجودگی میں اگر آپ اپنے فرائض بخوبی سرانجام دے سکیں تودوسری شادی مذہبی طورپر جائز ہے لیکن خواتین کی اکثریت اپنے شوہر کی دوسری اہلیہ کو قبول نہیںکرتیںاورایساہی ایک سعودی خاتون نے کیا ، اس نے دوسری شادی کرنے پر شوہر کو لاکھوں ریال کا جرمانہ کرادیا۔سعودی عرب میں ایک ویڈیو نہایت تیزی سے سوشل میڈیا پر وائرل ہوئی جس میںدیکھاجاسکتاہے کہ ایک گاڑی ایک ہی مقام پر بار بار ٹریفک سگنل کی خلاف ورزی کررہی ہے اور ڈرائیور بھی نہایت عجیب وغریب حرکات کررہاتھا لیکن اب انکشاف ہواہے کہ یہ ڈرائیور کار کے مالک کی پہلی بیوی کا بھائی تھا۔ کار کے مالک نے دوسری شادی کافیصلہ کیا جس پر پہلی بیوی نہایت رنجیدہ تھی ،دوسری شادی کی رات پہلی بیوی نے اپنے بھائی کو بلایا اور ا±سے اپنے خاوند کی گاڑی کی چابی مہیا کی اور ہدایت کی کہ سڑکوں پر ٹریفک قوانین کی خلاف ورزی کرے تاکہ گاڑی کے مالک کو ہزاروں ریال کا جرمانہ پڑے۔ خاتون کا بھائی بھی بہن کیلئے وفادار ثابت ہوا اورٹریفک سگنل پر لال بتی کے جلتے ہوئے اتنی بار گاڑی گزاری کہ جرمانہ تین لاکھ سعودی ریال تک جاپہنچا۔ اب یہ جرمانہ ڈرائیور کی بہن کے خاوند کو اداکرناپڑے گا۔ اس ضمن میں خاتون یا غضب کا شکار ہونیوالے ’نئے نویلے دولہے‘کا موقف معلوم نہیں ہوسکا۔
مزید پڑھئے:کینیڈا :دوران سفر پرواز میں ننھے مہمان کی آمد
