اسلام آباد (نیوز ڈیسک )عموماً یہ سمجھا جاتا ہے کہ دلکش خواتین کا ساتھ پانے کے لئے مرد قطار اندر قطار منتظر رہتے ہیں لیکن آسٹریلوی حسینہ بلنڈا سٹکی کی قسمت عجیب ہے کہ وہ 130 مردوں کی آزمائش کے باوجود ہمسفر سے محروم ہیں اور تاحال اس کے لئے کوشاں ہیں۔دلچسپ بات یہ ہے کہ سوشل میڈیا ویب سائٹ eHarmony پر بلنڈا کو 4700 میچز ملے ہیں اور ان کا شمار ویب سائٹ کی پسندیدہ ترین اور مطلوبہ ترین خواتین میں ہوتا ہے لیکن سوا سو سے زائد مردوں کے ساتھ ملاقاتوں کے باوجود وہ شریک سفر ڈھونڈنے میں ناکام رہی ہیں۔ 35 سالہ حسینہ کا کہنا ہے کہ وہ گزشتہ ڈیڑھ سال سے ہر ہفتے میں دونئے مردوں سے مل رہی ہیں اور اگرچہ اکثر ملاقاتیں بہت خوشگوار رہتی ہیں لیکن تاحال ان میں سے کسی مرد کے ساتھ دوسری ملاقات کا موقع نہیں آسکا۔ ان کا کہنا ہے کہ شاید کچھ مردوں کو انہوں نے پسند نہیں کیا اور کچھ نے انہیں پسند نہیں کیا جس کی وجہ سے تاحال وہ اپنے آئیڈیل سے محروم ہیں۔ وہ شمالی سڈنی کے ایک سکول میں ٹیچر ہیں اور کہتی ہیں کہ ہمسفر کی تلاش ان کے لئے پارٹ ٹائم جاب کی طرح بن گئی ہے لیکن وہ پرعزم ہیں کہ جب تک مطلوبہ مرد مل نہیں جاتا وہ کوشش جاری رکھیں گی چاہے کتنے ہی مردوں سے ملاقات کرنی پڑے۔

مزید پڑھئے:خواتین کے بارے نئی تحقیق : جن سے مرد آج تک لا علم تھے