اسلام آباد (نیوز ڈیسک )بچے کی پیدائش سے مہینوں قبل ہونے والی مائیں اس کے استقبال کی تیاری شروع کردیتی ہیں لیکن ایک امریکی خاتون کے ہاں بچے کی پیدائش اس قدر غیر متوقع انداز میں ہوئی کہ وہ خود بھی سخت حیرت زدہ رہ گئیں۔ریاست آئیووا کے شہر دیس موئنس سے تعلق رکھنے والی 24 سالہ برٹنی ینگ کو پیٹ میں درد محسوس ہورہا تھا اور انہوں نے اس بے چینی سے نجات پانے کے لئے غسل کرنے کا فیصلہ کیا۔ برٹنی واش روم میں داخل ہوئیں، غسل کا آغاز کیا اور چند منٹ بعد ایک ننھی منی بچی کے ساتھ واش روم سے برآمد ہوئیں۔ برٹنی کا کہنا ہے کہ وہ سمجھ رہی تھیں کہ ابھی وہ تین ماہ کی حاملہ ہیں لیکن اچانک بچی کی پیدائش نے انہیں ششدر کردیا ہے۔ وہ کہتی ہیں کہ واشروم میں جانے کے محض پانچ منٹ بعد ہی ایک ننھی گڑیا انہیں گھور رہی تھی اور انہیں یقین نہیں آرہا تھا کہ وہ ایک بیٹی کو جنم دے چکی ہیں۔ مرسی میڈیکل سنٹر کے عملے کا کہنا ہے کہ خاتون کو کچھ عرصہ قبل بتایاگیا تھا کہ ان کے حمل کی مدت مکمل ہونے میں 3ماہ رہ گئے ہیں جبکہ وہ غلطی سے یہ سمجھیں کہ ان کا حمل ابھی تین ماہ کا ہے۔ خاتون اس غلط فہمی کی بناءپر یہ سمجھ رہی تھیں کہ ابھی ان کے ہاں بچے کی پیدائش میں 6 ماہ باقی ہیں۔ بچی کی حیرت انگیز طریقے سے آمد کے پیش نظر اس کا نام Miracle (معجزہ) رکھا گیا ہے۔
مزید پڑھیے:سوٹ کیس میں بچے کی ناکام سمگلنگ
