اسلام آباد (نیو زڈیسک ) امریکی ریاست میں پیش آنے والے ہوائی جہاز کے حادثے میں ایک سات سالہ بچی معجزانہ طورپر بچ گئی جبکہ اس کے خاندان کے باقی چارافراد اسی حادثے میں ہلاک ہوگئے۔تفصیلات کے مطابق سات سالہ بچی کی شناخت سیلر گزلر کے نام سے ہوئی ہے اور فضائی حادثے کے وقت اس والد، والدہ، بہن اور کزن اس کے ہمراہ تھے۔امریکہ کی وفاقی تحقیقاتی ایجنسی کے ارکان کے مطابق حادثے میں بچ جانے والی خوش قسمت بچی جائے حادثہ سے ساڑھے تین میل دور واقع مکان تک چل کرآئی جہاں مقیم لیری ولکنگ نے نے پولیس کو حادثے کی اطلاع دی۔ پولیس کے مطابق متاثرہ بچی نے انتہائی حیرت انگیز کارنامہ انجام دیا ہے۔قومی ٹرانسپورٹیشن اور سیفٹی بورڈ کے رکن ہیدی موٹس کا کہنا ہے کہ بچی کا بیان حادثے کی وجہ متعین کرنے میں کافی کارآمدثابت ہوگا۔حادثے کا شکار ہونے والا بدقسمت طیارہ پائپر پی اے 34 تھا جسے سیلرکے والد مارٹی گزلراڑارہے تھے