اسلام آباد ( نیوز ڈیسک)میامی ،کسی نے سچ ہی کہا ہے کہ سانپ کبھی دوست نہیں بنتا۔فلوریڈا میں ایک نوجوان اپنے پالتو سانپ کو بوسہ دینے کی کوشش میں ہسپتال جا پہنچا۔آسٹن ہیٹ فیلڈ نامی نوجوان نے ایک خطرناک وائپر پال رکھا تھا۔نوجوان نے بوسے کے لیے سانپ کو سر سے پکڑ کر اپنے منہ کے قریب لانا چاہا لیکن سانپ نے اس کی گردن کو جکڑ نے کے بعد چہرے پر کاٹ لیا
نوجوان کے دوستوں نے تصدیق کی ہے کہ آسٹن سانپ کا بوسہ لینے کی کوشش کر رہا تھا۔شدید زخمی ہونے کے بعد آسٹن کو فوری طور پر ہسپتال لیجایا گیا جہاں اس کی حالت خطرے سے باہر ہے۔ پولیس حکام کا کہنا ہے کہ سانپ کو مار دیا گیا ہے۔ پولیس آفیسر بریل مارٹن نے کہا کہ آسٹن کے پاس سانپ کو رکھنے کا پرمٹ نہیں تھا، جن لوگوں کو سانپ پکڑنے اور رکھنے کا تجربہ نہ ہو انہیں اس سے گریز کرنا چاہیے۔