اسلام آباد (این این آئی)وزیر صحت ڈاکٹر ظفر مرزا نے حفاظتی ٹیکہ جات کی ہر بچے تک رسائی کو یقینی بنانے پر زوردیتے ہوئے کہاہے کہ حفاظتی ٹیکہ جات کی ہر بچے تک رسائی کو ممکن بنانا ہر پاکستانی کی ذمہ داری ہے۔ ایک بیان میں وزیر صحت ڈاکٹر ظفر مرزا نے کہاکہ کسی بھی صحت کے نظام میں حفاظتی ٹیکہ جات کو کلیدی حیثیت حاصل ہے ۔انہوں نے کہاکہ حفاظتی ٹیکہ جات پروگرام کو

مضبوط بنانا ہماری اولین ترجیح ہے ۔ انہوں نے کہاکہ حفاظتی ٹیکہ جات کو موجودہ نطام کو بہتر بنانا ہو گا تاکہ ماں اور بچے کی شرح اموات میں کمی لائی جا سکے۔ ڈاکٹر ظفر مرزا نے کہاکہ حکومت نے انسانی ترقی اور عوام کا معیار زندگی بہتر بنانے کا عزم کر رکھا ہے۔ ڈاکٹر ظفر مرزا نے کہاکہ صحت کے شعبے میں بڑے پیمانے پر اصلاحات کی ضرورت ہے۔ ڈاکٹر ظفر مرزا نے کہاکہ وزارت صحت پرائمری ہیلتھ کےئر کو بہتر بنانے کے لیے ایک جامعہ قومی ایکشن پلان پر کام کر رہی ہے جس میں حفاظتی ٹیکہ جات کے پروگرام کو خصوصی اہمیت حاصل ہو گی۔ ڈاکٹر ظفر مرزا نے کہاکہ ملک کے مختلف حصوں میں حفاظتی ٹیکہ جات کے مزید سنٹر کھولنے کی سفارش ہے تاکہ کوئی بھی بچہ اس سہولت سے محروم نہ رہے۔ ڈاکٹر ظفر مرزا نے کہاکہ وزیر اعظم عمران کے وژن کے مطابق صحت کے شعبے میں اصلاحات لائیں گے۔ ڈاکٹر ظفر مرزا نے کہاکہ ہر سال حکومت کی جانب سے 10 لاکھ بچوں کو 10 مہلک بیماریوں کے خلاف ویکسین مفت فراہم کی جاتی ہے۔ ڈاکٹر ظفر مرزا کے مطابق حفاظتی ٹیکہ جات کے پروگرام کو بہتر بنانے سے مستحکم ترقیاتی اہداف کے حصول میں مدد ملے گی۔