فیصل آباد(مانیٹرنگ ڈیسک)محکمہ موسمیات کے مطابق اس مرتبہ موسم گرمازیادہ سخت ہوگاجس کے پیش نظرموسم گرما میں بیماریوں سے بچاؤ کےلیے طبی ماہرین نے کارآمد نسخے تجویز کئے ہیں۔پنجاب میڈیکل کالج اور الائیڈ ہسپتال فیصل آبادکے ممتاز طبی ماہرین نے کہا ہے کہ موسم گرما کے دوران شدید تپش ، لو اور مضر اثرات سمیت پسینے کی کثرت ، ہیضہ ، اسہال ، بخار ، جسمانی تھکاوٹ ، اعصابی کمزوری سے بچنے کےلئے

دیسی مشروبات ، نمکین لسی،ستو، سردائی، شربت بزوری ، صندل ، شکنجبین کا زیادہ استعمال یقینی بنایا جائے تاکہ جسم سے ضائع ہونے والے نمکیات کے توازن کو بر قرار رکھ کر مختلف موسمی بیماریوں سے بچا جا سکے ۔انھوں نے کہاکہ گوشت اور تیز مصالحے والی مرغن غذاؤں کااستعمال کم کرتے ہوئے سبزیوں ، سلاد ، تازہ پھلوں کا بھی زیادہ استعمال کیا جائے تاہم گلے سڑے ، کٹے ہوئے اور باسی پھلوں و سبزیوں سے گریز بھی ضروری ہے۔

موضوعات:موسم گرما