اسلام آباد(مانیٹرنگ ڈیسک)چین میں سرجن نے کامیابی سے مصنوعی کان ایک شخص کے بازو میں اگانے کا کامیاب تجربہ کیا اور اب اس عضو کا سر پر بھی ٹرانسپلانٹ کیا ہے جس نے دنیا بھر کو حیران کردیا۔ میڈیا کے مطابق یہ واقعہ شانسی کے علاقے ژیان میں پیش آیا جہاں گزشتہ ہفتے سات گھنٹے کی پیچیدہ سرجری کے بعد کان کو ہاتھ سے نکال کر سر پر لگانے کا عمل کامیابی سے مکمل کیا۔چینی سرجن ڈاکٹر گیو شیزونگ نے اعلان کیا کہ مریض جی (پورا نام نہیں بتایا گیا)
کے اس نئے دائیں کان میں خون کی روانی کامیابی سے ہوگئی ہے۔یہ شخص 2015 میں ایک ٹریفک حادثے کے نتیجے میں اپنے دائیں کان سے محروم ہوگیا۔ڈاکٹر گیو شیزونگ نے متاثرہ شخص کی پسلیوں کی نرم ہڈی کو استعمال کرتے ہوئے نیا کان تیار کیا اور ابتدائی طور پر بازو میں لگا دیا۔چونکہ حادثے کے نتیجے میں مریض کے چہرے کے دائیں جانب شدید زخم آئے تھے اور کئی آپریشنز بھی ہوچکے ہیں تاکہ جلد اور گالوں کو بحال کیا جاسکے، اسی لیے کان کو بازو میں لگایا گیا۔
