گوجرانوالہ (مانیٹرنگ ڈیسک)گوجرانوالہ میں چڑے ا وربیٹرے بڑے شوق سے کھائے جاتے ہیں اورملک بھرسے عوام یہ پرندے کھانے کےلئے گوجرانوالہ آتے ہیں ۔ایک نجی ٹی وی کی رپورٹ کے مطابق گوجرانوالہ میں کھائے جانے والے پرندوں میں صرف چڑے اوربیڑے ہی شامل نہیں ہوتے بلکہ ان میں دیگرحلال اور حرام پرندے بھی شکارکرکے گوجرانوالہ میں لاکربیچے جاتے ہیں ۔شکاری مختلف دیہات میں ایسے پرندوں کاشکارکرتے ہیں جوکہ چڑوں اوربیٹروں کی شکل کے ہوتے ہیں ۔شکاری ان پرندوں کوپکڑنے کےلئے دوتین زندہ پرندے ،ایک سانپ اورمیخوں کااستعمال کرتے ہیں ۔شکاری شکارکرتے وقت ایسی جگہ شکارکرتے ہیں جہاں پرگھنے درخت یاکھیت ہوتے ہیں

وہاں پر دوتین پرندوں کوباندھ کرساتھ ایک سانپ چھوڑدیتے ہیں ،باندھے گئے پرندے سانپ کودیکھ کرپھڑپھڑاتے ہیں توان کے دوست پرندے ان کوبچانے کےلئے آتے ہیں توشکاری کے بچھائے گئے جال میں پھنس جاتے ہیں اورپھران پرندوں کوپکڑکرشکاری گوجرانوالہ کی مختلف ہوٹلوں میں فروخت کرآتے ہیں اوروہاں پران پرندوں کومختلف مصالحے لگاکربھوناجاتاہے اورعوام مزے لے لے کرکھاتے ہیں ۔اس سلسلے میں ایک شکاری نے نجی ٹی وی سے گفتگوکرتے ہوئے بتایاکہ چڑی کی قیمت 30سے 40روپے اورگھوگی کی قیمت 60سے 70روپے فی کس ہے ۔اس نے بتایاکہ موسم سرمامیں تلیر،روسی چڑی ،مرغابیاں ،چٹہ بگلہ کاشکارکیاجاتاہے اوران پرندوں کوپکڑکرگوجرانوالہ میں جاکرفروخت کیاجاتاہے ۔