اسلام آباد(مانیٹرنگ ڈیسک)خارش کی صورت میں جسم کی کسی حصہ کو مسلنا پڑتا ہے تاکہ اس سے راحت مل سکے لیکن آنکھوں میں خارش کے وقت اس کو مسلنا کتنا نقصان دہ ہے اگر اس کا آپ کو علم ہو جائے تو آپ اپنی آنکھوں کومسلنا تو دور کی بات آپ انہیں کبھی ہاتھ تک نہیں لگائیں گے ۔آنکھیں مسلنا ایسی عادت ہے
جس کو نظر انداز کردیا جائے بلکہ ایسا کرنے سے اجتناب کرنا ضروری ہے۔ویسے تو آنکھیں مسلنے کی تمنا ہر کسی کو کبھی نہ کبھی ہوتی ہے لیکن آنکھیں تھکاوٹ ،خارش یا سوجن کی وجہ مجبوراََ مسلنا پڑتی ہے۔آنکھیں مسلنے کے کیا نقصانات ہوتے ہیں آئیں ہم آپ کو بتاتے ہیں :
جلد بڑھاپا:
جب خارش ہوتی ہے تو آنکھیں مسلنے کو دل کرتا ہے جس کی وجہ سے اسکے اردگرد نازک ٹشوز پر بہت زیادہ دباؤ بڑھ جاتا ہے۔جس کے باعث نقصان پہنچاتا ہے اور کولیگن نامی ہارمون کی سطح متاثر ہوتی ہے جوکہ جلد کو جوان اور ہموار رکھنے کا کام کرتے ہیں۔
آنکھ کی سطح متاثر ہونا:
اگر کبھی نادانستہ طور پر کوئی چیز آنکھ میں پڑھ جائے تو اس کو مسلنے سے گریز کریں کیونکہ اس وقت تو آپ کو آنکھیں مسلنے سے آرام ملے گا لیکن یہ عمل آپ کے لئے انتہائی نقصان دہ ثابت ہو سکتا ہے۔جس سے قرینے میں لکیر پڑ سکتی ہے۔
جراثیم والے ہاتھ:
ہاتھ عام طور پر تو دیکھنے میں صاف نظر آتے ہیں لیکن وہ ان دیکھے جراثیم سے پر ہوتے ہیں اور انگلیوں سے آنکھیں کے اردگرد پھیرنے سے جراثیم آنکھوں میں منتقل ہو سکتے ہیں جو آپ کو آشوب چشم ودیگر آنکھوں کی بیماریوں میں مبتلا کر سکتا ہے۔
