اسلام آباد(مانیٹرنگ ڈیسک)انسان میں قابلیت کی کوئی کمی نہیں اور ذہین لوگوں کے کارنامے سن کے ہر انسان خوش ہو جاتا ہے لیکن ہر چیز کا ایک قانو ن بنایا گیا ہے اگر کوئی اس پر عمل نہیں کرتا تو اسکی قابلیت کی بھی کوئی اہمیت نہیں سمجھی جاتی اور اسکی کامیابی کو پس پشت ڈال دیا جاتا ہے ۔آج جدید دور میں ہر چیز انٹرنیٹ پر موجود ہے
جس میں ہر کام کیلئے ویڈیوزکے ذریعے معلومات حاصل کی جاسکتی ہے۔ ایسا ہی ایک واقعہ ملائیشیا میں پیش آیا۔جب ایک 25سالہ نوجوان نے ویڈیوز کے ذریعے دانتوں کے علاج میں ماہر ڈاکٹرز کے برابر مہار ت حاصل کر لی اورڈاکٹر بن کے اپنا ایک کلینک چلانا شروع کردیا۔ملائیشیا میں ڈینٹیسٹ بننے کیلئے 6سال کی تعلیم حاصل کرنا پڑتی ہے مگر محمد اردن نامی شخص نے ان تمام قوانین کو پس پشت ڈالتے ہوئے ویڈیوز سے دانتوں کے علاج اور بیماریوں کے بارے میں معلومات حاصل کی اور لوگوں کا علاج کرنا شروع کیا۔ابھی کچھ ہی عرصہ یہ نوجوا ن اپنا کلینک چلا پایا تھا کہ اپنے ہی ایک مریض کی پولیس کواطلاع دینے پرپھانڈا پھوٹ گیا اور اس نوجوان کو گرفتار کر لیا گیا اور غیر قانونی طور پر لوگوں کا علاج کرنے پر9ہزار ڈالر جرمانہ عائد کردیا۔
