لندن(نیوزڈیسک)جیسے جیسے انسان بوڑھا ہوتا ہے اس کے چہرے پر نشانات اور جھریاں بنتی ہیں اور ساتھ ہی چہرے کی روشنی بھی کم ہونے لگتی ہے۔اپنے چہرے کے نشانات کو صاف کرنے کے لئے ہم کئی طرح کے ٹوٹکے اپناتے ہیں لیکن بعض اوقات یہ اتنے مشکل ہوتے ہیں کہ ہم انہیں درمیان میں ہی چھوڑ دیتے ہیں لیکن آج ہم آپ کو چمچ کے ذریعے چہرے کی جلد کو روشن اور صحت مند بنانے کا طریقہ بتائیں گے۔
*?±اپنے چہرے کو میک اپسے اچھی طرح صاف کرلیں اور چمچوںکو تمام جراثیم سے پاک کرکے انہیں برف اور ٹھنڈے پانی میں رکھیں۔
*جب چمچ اچھی طرح ٹھنڈے ہوجائیں تو انہیں اپنی آنکھوں کے اوپر لگائیںاور کچھ دیر تک لگاکر رکھیں۔اس عمل کو پانچ بار دہرائیںاور اس کے بعد ٹھنڈے چمچوں کو اپنی آنکھوں کے نچلے پپٹوں پر لگائیں،اس طریقے سے آنکھوں کی سوزش دور ہوگی اور وہ تروتازہ ہوجائیں گی۔
*چہرے کا مساج کرنے سے قبل ان چمچوں کو گرم تیل میں تھوڑی دیر کے لئے ڈالیں۔اب ان چمچوں کو چہرے کی لائنز کے مطابق چہرے پر پھیریں۔
*اپنے ناک سے اوپر کی جانب ان چمچوں کو ماتھے تک پھیریں،اسی طرح ماتھے پر ان چمچوں کا گول حصہ اوپر کی جانب رگڑیں۔
*اپنی گالوں پر بھی ان چمچوں کو پھیریں۔اپنی ٹھوڑی سے دائیں اور بائیں جانب گالوں کے اوپر رگڑیں۔
*اپنی ناک کے اوپر رکھ کر پہلے دائیںاور پھر بائیں جانب ان چمچوں کو رگڑیں۔
ہر عمل کو دس بار تک دہرائیں اور اگر چمچ چہرے پر صحیح طریقے سے نہ چلے تو ان پر تھوڑا سا تیل مزید لگا لیں۔مساج مکمل کرنے کے بعد چہرے کو نیم گرم پانی سے دھوئیں۔چہرے کے مساج کو 10دن تک جاری رکھیں اور چاہیں تو تھوڑا سا وقفہ دے کر دوبارہ شروع کریں۔آپ کو چند ہی دنوں میں واضح تبدیلی محسوس ہونے لگے گی۔