چینی کا استعمال کھانوں میں عام ہے اور ہم اس سے خوب لطف اٹھاتے ہیں لیکن آج ہم آپ کو کھانے کے علاوہ چینی کے چند دیگر استعمال بتائیں گے۔
پھولوں کی تازگی کے لئے
اگر آپ چاہتے ہیں کہ آپ کے کمرے میں رکھے گئے پھول زیادہ دیر تک تروتازہ رہیں تو پھر تین چائے کے چمچ لے کر اس میں دو کھانے کے چمچ سفید سرکہ شامل کریں اور اس محلول کو پھولوں کے پانی میں ڈال کر رکھ دیں۔چینی پھولوں کو زیادہ دیر تک تروتازہ رکھے گی جبکہ سرکہ بیکٹیریا اورجراثیم کو مار ے گا۔
بسکٹوں کو تازہ رکھنے کے لئے
اگر بسکٹوں کو زیادہ دیر تک تازہ اور خستہ رکھنا چاہتے ہیں تو جار میں بسکٹوں کے ساتھ ایک یا دو ڈلیاں چینی کی رکھنے سے وہ زیادہ دیر تک خستہ اور لذیذ رہتے ہیں۔
تھرموس اور گرائنڈر کو صاف کرنے کے لئے
اگر تھرموس سے ناگوار بو آتی ہو یا گرائنڈر میں نشانات لگے ہوں تو چینی کے استعمال سے اسے صاف کیا جاسکتا ہے۔تھرموس میں ایک چائے کا چمچ چینی ڈال کر رکھ دیں،استعمال سے پہلے دھو لیں۔اسی طرح گرائنڈر میں آدھ کپ چینی ڈال کر اسے اچھی طرح گرائنڈ کر لیں،نشانات خود بخود ختم ہوجائیں گے۔
کپڑوں سے گھاس کے نشانات مٹانے کے لئے
نئے کپڑوں پر اگر گھاس کے نشانات لگ جائیںتو ساری خوشی کافور ہوجاتی ہے۔ایسے میں اگر چینی کو پانی میں شامل کر کے ایک گاڑھا محلول گھاس کے نشانات پر ڈالیںاور ایک گھنٹہ تک اسے چھوڑ دیں،بعد میں کسی بھی عام پاوڈر سے دھو لیں۔گھاس کے تمام نشانات غائب ہوجائیں گے۔
موٹر آئل کے نشانات کے لئے
اگر آپ اپنی گاڑی یا موٹر سائیکل کو ٹھیک کررہے ہوں اور ہاتھوں پر گریس اور آئل کے نشانات لگ جائیں تو چینی کے محلول سے ہاتھوں کو دھو لیں،فوراًآپ کے ہاتھوں سے گندے نشانات ختم ہوجائیں گے۔
اپنی پکنک کو تباہی سے بچائیں
اگر آپ باہر گھومنے گئے ہیں اور آپ کو مکھیاں سکون نہیں لینے دے رہیں تو کسی بھی دہی یا مکھن کا خالی ڈبہ لے کر اس میں چینی اور پانی ڈال دیں۔تمام مکھیاں چینی کی وجہ سے ڈبے میں چلی جائیں گی اور آپ کی پکنک تباہی سے بچ جائے گی۔
ہاتھوں سے کھانے کی ب±وختم کریں
اگر کھانا پکانے کے دوران ہاتھوں سے پیاز، لہسن، مچھلی یا گوشت کی ناگوار بو ختم نہ ہو تو چینی کا استعمال کیا جاسکتا ہے۔ایک چائے کا چمچ چینی اپنے ہاتھ پر لے کر اس میں ایک چمچ لیکوئڈسوپ ڈالیںاور اس کے بعد دھولیں،ہر طرح کی بو ختم ہوجائے گی