خیرپور(نیوز ڈیسک)خیرپور میڈیکل کالج آڈیٹوریم میں عورتوں کی بیماریوں کی روک تھام کے موضوع کے تحت سیمینار کا انعقاد کیا گیا۔ کالج کے پرنسپل ڈاکٹر مشہور عالم نے سیمینار کی صدارت کی۔کالج کے پرنسپل ڈاکٹر مشہور عالم شاہ نے اپنے خطاب میں کہاکہ مختلف بیماریوں کے باعث ہر سال سیکڑوں خواتین موت کا شکار ہوجاتی ہیں، زیادہ تر اموات حاملہ عورتوں کی ہوتی ہیں جو خوراک کی کمی کے باعث کمزور ہو جاتی ہیں اور زچگی کی دوران ان کی موت ہوتی ہے اس لیے حاملہ خواتین کی بہتر خوراک پر توجہ دینا ہو گی۔انہوں نےخیرپور میڈیکل کالج میں خواتین کی بیماریوں کی روک تھام کی آگاہی کے لیے ماہانہ سیمینار کرانے کا اعلان کیا