کراچی (آن لائن)عالمی مارکیٹ میں گذشتہ ایک ہفتے کے دوران فی اونس سونا46ڈالر کی کمی سے 1860ڈالر سے کم ہو کر1814ڈالر ہو گئی جس کے بعد زیر تبصرہ مدت میں ملکی صرافہ مارکیٹوں میں ایک تولہ سونے کی قیمت میں 1500روپے کی کمی واقع ہوئی جس کے بعد ایک تولہ سونا1لاکھ 13ہزار300روپے سے کم ہو
کر1لاکھ11ہزار800روپے پر آ گئی اسی طرح دس گرام سونے کی قیمت میں 1286روپے کی کمی ریکارڈ کی گئی جس سے دس گرام سونے کی قیمت 97ہزار136روپے سے گھٹ کر95ہزار850روپے ہو گئی۔آل پاکستان سپریم کونسل جیولرز ایسوسی ایشن کی رپورٹ کے مطابق ہفتہ کو عالمی مارکیٹ میں فی اونس سونا2ڈالر مہنگا ہوگیا تاہم ملکی صرافہ مارکیٹوں میں ایک تولہ سونا200روپے اور دس گرام سونا172روپے سستا ہو گیا۔دوسری جانب گذشتہ ایک ہفتے کے دوران انٹر بینک اور مقامی اوپن کرنسی مارکیٹ میں ڈالر کی قدر میں گراوٹ کا رجحان رہا جس کی وجہ سے پاکستان روپیہ تگڑا ہو گیا۔فاریکس ایسوسی ایشن آف پاکستان کی ہفتہ وار رپورٹ کے مطابق زیر تبصرہ مدت میں انٹر بینک میں روپے کے مقابلے ڈالر کی قدر میں 20پیسے کی کمی واقع ہوئی جس سے ڈالر کی قیمت خرید 160.20روپے سے کم ہو کر160روپے اور قیمت فروخت160.25روپے سے کم ہو کر160.05روپے پر آ گئی اسی طرح مقامی اوپن کرنسی مارکیٹ میں ڈالر30پیسے سستا ہو گیا جس سے ڈالر کی قیمت خرید 160.10روپے سے گھٹ کر159.80روپے اور قیمت فروخت 160.40روپے سے گھٹ کر160.10روپے پر آ گئی۔ہفتہ وار رپورٹ کے مطابق یورو کی قدر میں 1روپے کی کمی واقع ہوئی جس سے یورو
کی قیمت خرید192.50روپے سے کم ہو کر191.20روپے ہو گئی تاہم یورو کی قیمت خرید218.50روپے اور قیمت فروخت220روپے پر بدستور برقرار رہی۔فاریکس رپورٹ کے مطابق ہفتہ کو مقامی اوپن کرنسی مارکیٹ میں روپے کے مقابلے ڈالر 10پیسے سستا ہو گیا جبکہ یورو اور برطانوی پونڈ کی قدر میں بالترتیب 1روپے اور 2.50روپے کانمایاں اضافہ دیکھنے میں آیا۔
