اسلام آباد۔۔۔۔ وزیراعظم نواز شریف نے پیٹرولیم مصنوعات کی قیمتوں میں 14 روپے سے زائد کمی کی منظوری دے دی جس کا اطلاق آج رات 12 بجے سے ہوگا۔ عالمی منڈی میں پیٹرولیم مصنوعات کی قیمتوں میں کمی کے بعد وزیراعظم نواز شریف نے بھی پیٹرولیم مصنوعات کی قیمتوں میں کمی کی منظوری دے دی جس کے مطابق سب سے زیادہ ہائی اوکٹیں اور ایس او بی سی میں بالترتیب 14 روپے 68 پیسے کمی کی گئی ہے جبکہ پیٹرول کی قیمت میں 9 روپے 43 پیسے کمی کی گئی جس کے بعد نئی قیمت 94 روپے 14 پیسے، ڈیزل کی قیمت میں 6 روپے 18 پیسے کمی کے بعد نئی قیمت 101 روپے 21 پیسے ہوگئی۔ اسی طرح مٹی کے تیل میں 8 روپے 16 پیسے کمی کی منظوری دی گئی ہے جس کے بعد مٹی کا تیل 87 روپے 52 پیسے میں دستیاب ہوگا جبکہ ہائی اوکٹین 116 روپے 45 پیسے فی لیٹر میں ملے گا۔وفاقی کابینہ کے اجلاس کے دوران پیٹرولیم مصنوعات کی قیمتوں میں کمی کے اعلان کے بعد وزیراعظم نواز کا کہنا تھا کہ حالیہ کمی مثالی ہے جس کا براہ راست فائدہ عام فرد کو ملنا چاہیئے۔ انہوں نے چاروں صوبوں کے وزرا اعلی کو ہدایت کی کہ تمام وزرا اعلی ٹرانسپورٹ کے کرایوں اور اجناس کی قیمتوں میں کمی یقینی بنائیں

موضوعات:javed chaudary Javed choudary Nawaz shareef Nawaz Sharif Pakistan Petrol petrol prices prices zero point kal tak