لاہور۔۔۔ وزیراعلیٰ پنجاب میاں شہباز شریف نے کہا ہے کہ سیلاب کی وجہ سے جن افراد کا ذریعہ معاش متاثر ہوا ہے انہیں اس کا معاوضہ دیا جائے گا۔ ان خیالات کا اظہار انہوں نے یہاں ایک اجلاس کی صدارت کرتے ہوئے کہی جو وزیراعلٰی پنجاب شہباز شریف کی زیرِصدارت سیلاب متاثرین کی امداد سے متعلق ہوا جس میں اب تک کئے جانے والے اقدامات پر تفصیلی غور کیا گیا اور آئندہ کی حکمت عملی کے لئے غور کیا گیا۔اجلاس کے دوران وزیر اعلیٰ پنجاب کا کہنا تھا کہ سیلاب سے متاثرہ افراد کی مدد کے لئے پہلے مرحلے میں پنجاب حکومت نے مجموعی طور پر83 ہزار 557 متاثرہ خاندانوں کو 25،25 ہزار روپے کی مالی امداد دی اور اس پر 2 ارب روپے سے زائد رقم خرچ ہوچکی ہے۔ دوسرے مرحلے میں مستند سروے کی بنیاد پرتخمینہ لگا کرگھروں اور فصلوں کے نقصان کا ازالہ کیا جائے گا، اس کے علاوہ جن افراد کا ذریعہ معاش متاثرہوا ہے انہیں اس کا معاوضہ دیا جائے گا۔