ممبئی(این این آئی)8ماہ کی حاملہ بھارتی اداکارہ دل کا دورہ پڑنے سے ہلاک ہوگئی۔ میڈیا رپورٹ کے مطابق بھارتی ڈراما انڈسٹری میں تیزی سے مقبولیت حاصل کرنیوالی نوجوان اداکارہ پریا 8ماہ کے حمل کے باعث چیک اپ کیلئے ہسپتال میں موجود تھیں کہ اسی دوران دل کا دورہ پڑنے کے باعث ہلاک ہوگئیں تاہم ڈاکٹرز نے ان کے بچے کو بچا لیا جو انتہائی نگہداشت وارڈ میں داخل ہے۔

اداکارہ پریا جو کہ خود بھی ایک ڈاکٹر تھیںکی جان بچانے کیلئے ڈاکٹرز نے بھرپور کوششیں کیں۔ڈاکٹرز کے مطابق اداکارہ پریا حمل کی پیچیدگیوں کا شکار تھیں حمل کی حالت میں دل کو ملنے والی خون کی روانی اور دل کی صحت سے جڑے ہارمون کی کمی تھی۔ساتھی اداکاراوں اور فنکاروں نے نوجوان اداکارہ کی اچانک موت پر دکھ اور رنج کا اظہار کرتے ہوئے اہل خانہ سے تعزیت کی ہے۔