ریاض(این این آئی)پاکستانی گلوکاروں عاطف اسلم اور راحت فتح علی خان نے ریاض سیزن کے تحت دارالحکومت میں شب جمعہ سجائی گئی محفل موسیقی میں اپنے فن کا مظاہرہ کر کے تارک وطن پاکستانی اور بھارتی شائقین کے دل موہ لیے۔ کنسرٹ کے ٹکٹ کئی روز قبل فروخت ہونے پر پنڈال میں تل دھرنے کو جگہ نہ تھی۔ پروگرام میں تارکین وطن اور مقامی افراد کی عدیم النظیر شرکت نے ریاض میں سر اور روشنیوں کا ایسا دلفریب آہنگ پیدا کیا کہ جس پر شرکاء تادیر جھومتے رہے۔ اس سیزن کا افتتاح گذشتہ ہفتے مشہور گروپ بی ٹی ایس کے ایل
کے پاپ سٹار کی دلکش پرفارمنس سے ہوا تھا۔پاکستانی پلے بیک سنگر، موسیقار اور اداکار عاطف اسلم نے اپنے کئی شہرہ آفاق گیت سنا کر حاضرین سے خوب داد وصول کی۔ ان میں قوالی بھی شامل تھی۔محفل موسیقی کو پاکستانی اور بھارتی وطن کے لیے بیک وقت کھولنے کے فیصلے کی سوشل میڈیا پر بڑے پیمانے میں داد وتحسین ہو رہی ہے۔