لاہور (این این آئی) پاکستان کی نامور اداکارہ و ماڈل نادیہ حسین کا فیس بک اکاؤنٹ ہیک کر لیا گیا جس کے بعد اس پر قابل اعتراض تصاویر پوسٹ کی جارہی ہیں۔میڈیا رپورٹ کے مطابق نادیہ حسین نے اپنے فیس بک اکاؤنٹ کے ہیک ہونے کی خبر کی تصدیق خود انسٹاگرام پر شیئر کردہ ایک پوسٹ کے ذریعے کی۔ ماڈل نے مداحوں کو بتایا کہ ان کا فیس بک پیج نادیہ حسین
آفیشل ہیک کرلیا گیا ہے، انہوں نے درخواست کی کہ مداح اس اکاؤنٹ کو ان فالو کرنے کے ساتھ ساتھ اسے رپورٹ بھی کریں۔ چند روز قبل ان کا کہنا تھا کہ ان دو اکاؤنٹس نادیہ حسین سلون اور نادیہ حسین خان آفیشل کے علاوہ وہ کوئی اور اکاؤنٹ استعمال نہیں کرتی۔ البتہ اب اداکارہ نے اپنے ایک تیسرے اکاؤنٹ کے ہیک ہونے کی خبر شیئر کی جو کہ ان کا فین پیج ہے۔
