لاس اینجلس (این این آئی) ہالی ووڈ سپر سٹار ٹام کروز ایکشن سے بھرپور فلم ’’ٹاپ گن، میورک‘‘ میں امریکی نیوی کے فائٹر پائلٹ کے روپ میں جلوے دکھائیں گے۔ فلم کا ٹریلر ریلیز ہوتے ہی شائقین میں مقبول ہوگیا اور فلم کا انتظار بے چینی سے کیا جا رہا ہے۔اس سلسلے کی پہلی فلم ٹاپ گن 1986 میں ریلیز ہوئی تھی، جسے شائقین کی

جانب سے بے حد پذیرائی حاصل ہوئی تھی۔ ایکشن سے بھرپور فلم اگلے سال جون میں ریلیز کی جائے گی۔ ٹام کروز کا کہنا ہے کہ فلموں میں بہت کردار کئے تاہم اس کردارکو کرنے کیلئے میں نے سب سے زیادہ محنت کی ہے، باقاعدہ جہازاڑانے کی ٹریننگ بھی کی ،میں بہت اچھا پائلٹ تو نہیں بن سکا تاہم اپنے کردار میں حقیقت کا رنگ بھرنے میں کامیاب ہوں۔