ممبئی(این این آئی) بالی ووڈ کے سلطان سلمان خان نے اداکارہ کترینہ کیف کو ’ویسپا‘ کی تصویر کے ساتھ سالگرہ کی مبارکباد پیش کی ہے۔بالی ووڈ کی باربی ڈول کہلائی جانے والی کترینہ کیف نے اپنی 36 ویں سالگرہ منائی۔ اداکارہ کے اس خاص دن کے موقع پر دنیا بھر میں موجود اْن کے مداحوں کی جانب سے انہیں مبارکبادیں پیش کی گئیں۔ انڈسٹری میں اْن کے سب سے زیادہ قریب سمجھے جانے والے اداکار سلمان خان بھی کترینہ کو مبارک باد دینا نہ بھولے۔سلمان خان نے انسٹا گرام پر کترینہ ہ کیف کو

سالگرہ کی مبارکباد دینے کے لیے ایک تصویر پوسٹ کی۔ تصویر میں سلمان خان اور کترینہ کیف خوبصورت ویسپا پر بیٹھے مخالف سمت میں اشارہ کرکے ایک دوسرے کو کچھ دکھانے کی کوشش کر رہے ہیں۔ ساتھ ہی انہوں نے لکھا کہ ’سالگرہ مبارک کترینہ۔واضح رہے کہ گزشتہ ماہ ہی علی عباس ظفر کی ہدایت کاری میں ریلیز ہونے والی فلم ’بھارت‘ میں کترینہ کیف اور سلمان خان نے مرکزی کردار ادا کیا تھا۔ فلم باکس آفس پر اب تک 300 کروڑ روپے سے زائد کا بزنس کر چکی ہے۔