ممبئی(این این آئی) بالی ووڈ اداکارہ سارہ علی خان نے اپنی والدہ امریتا سنگھ کی دو مشہور فلموں کے ری میک میں کام کرنے کی خواہش ظاہر کردی۔بھارتی میڈیا کے مطابق سارہ علی خان نے ایک انٹرویو میں خواہش کا اظہار کیا کہ مجھے نہیں لگتا کہ میں کبھی ویسا کام کر پاؤں گی جیسا میری والدہ کیا تھا لیکن اگر زندگی میں مجھے ایسا موقع ملا تومیں اْن کی فلم ’چمیلی کی شادی‘ کا مشہور کردار ادا کرنا ضرور پسند کروں گی کیوں کہ باصلاحیت اداکارہ ہونے کی وجہ سے انہوں نے وہ کردار بہت ہی بہترین طریقے سے ادا کیا تھا درحقیقت

اْن کا وہ کردار غیر معمولی تھا۔سارہ علی خان نے یہ بھی کہا کہ اگر فلم ’آئینہ‘ کا سیکوئل بنا تو میں اس فلم میں بھی اپنی والدہ کا کردار کرنا چاہوں گی جس پر انہیں بہترین معاون اداکارہ کے ایوارڈ سے نوازا گیا تھا ان کا فلم میں مرکزی کردار نہیں تھا لیکن اس کے باوجود انہوں نے اپنی اداکاری سے اس فلم میں جان ڈال دی تھی۔خوبرو اداکارہ نے یہ بھی کہا کہ والدہ نے معاون کردار جاندار طریقے سے ادا کرکے یہ بات ثابت کردی کہ اگر آپ کسی چیز پر ثابت قدم ہو جائیں اور اْمید کے ساتھ وہ کام کرتے رہیں تو کامیابی آپ کا مقدر ضرور بنے گی۔

موضوعات:سارہ علی خان