ممبئی (آئی این پی) بالی ووڈ کی دیسی گرل اداکارہ سوناکشی سنہا نے مسلمان لڑکے سے محبت کی تردید کرتے ہوئے اسے افواہ قرار دیدیا۔ بھارتی میڈیا کے مطابق پچھلے کچھ دنوں سے یہ خبریں گردش کر رہی تھیں کہ سوناکشی ایک مسلمان لڑکے کے عشق میں مبتلا ہیں جبکہ سوناکشی سنہا نے ایسی تمام خبروں کی تردید کردی ہے۔
سوناکشی سنہا نے اپنے اور ظہیر اقبال سے متعلق پھیلائی جانے والی خبروں کی تردید کرتے ہوئے کہا کہ ان دونوں کے درمیان محبت کا رشتہ نہیں ہے، ایسی تمام خبریں بے بنیاد ہیں۔ اس کے علاوہ انہوں نے اس بات کی بھی تردید کی ہے کہ سلمان خان ان کے اور ظہیر اقبال کے درمیان دوستی یا محبت کے رشتے کو بڑھانے میں اہم کردار ادا کر رہے ہیں۔
