ممبئی(آئی این پی) قاتلانہ اداؤں اور سحر انگیز آنکھوں سے لوگوں کو مسحور کرنیوالی بالی بنگالی حسینہ بپاشا باسو 40برس کی ہوگئیں۔بنگال کی ساحرہ کے نام سے مشہوربالی ووڈ اداکارہ بپاشا باسو 7جنوری سن 1979کو بھارت کے دارالحکوت نئی دہلی میں پیدا ہوئیں۔
زمانہ طالبعلمی سے ہی ماڈلنگ کا آغاز کیا۔بپاشا نے بالی ووڈ کیرئیر کاآغاز 2001ء میں فلم اجنبی سے کیا۔ اس کے بعد راز، جسم ، فٹ پاتھ ، نو انٹری ، پھر ہیرا پھیری، کارپوریٹ ، دھوم ٹو ،ریس ، بچنا اے حسینو اور متعدد فلموں میں کام کرکے کئی ایوارڈز اپنے نام کرچکی ہیں۔
