ممبئی (آئی این پی) بالی ووڈ اداکارہ انوشکا شرما کی امید سے ہونے کی خبریں میڈیا کی زینت بننے لگیں انوشکا شرما نے خبروں کو من گھڑت قرار دیدیا۔بھارتی میڈیا رپورٹس کے مطابق اداکارہ انوشکا شرما کے امید سے ہونے کی خبروں کی تردید کرتے ہوئے کہا ہے کہ یہ غیر ضروری باتیں ہیں جوکہ کبھی نہیں چھپ سکتی۔ آپ شادی کو راز میں رکھ سکتے ہیں لیکن امید سے ہونے کو کبھی نہیں چھپا سکتے۔انوشکا شرما نے کہا کہ لوگ
بغیر سوچے سمجھے کچھ بھی لکھ دیتے ہیں۔ حتی کہ میڈیا لوگوں کو امید سے ہونے سے قبل ہی ماں بنا دیتا ہے جب کہ میں ایسی من گھڑت خبروں پر سنجیدہ ہونے کے بجائے ہنس ہی سکتی ہوں۔ لیکن مجھے اس طرح کی بے معنی خبریں پڑھ کر حیرانی ہوتی ہے کہ ایسی خبریں آتی کہاں سے ہیں۔ واضح رہے کہ اداکارہ انوشکا شرما گزشتہ سال ہی 11 دسمبر کوبھارتی کرکٹر ویرات کوہلی کے ساتھ رشتہ ازدواج میں منسلک ہوئی تھیں۔
