نیو یارک(این این آئی) ہالی ووڈ کا اسپائیڈر مین ایک بار پھر باکس آفس پر تہلکہ مچانے کو تیار ہے اور مارول کامکس کی نئی اینیمیٹیڈ سپر ہیرو ایکشن ایڈونچر فلم ’اسپائیڈر مین، ان ٹو دی اسپائیڈر ورس‘ کا نیا ٹریلرجاری کردیا گیا ہے۔پیٹر ریمزے اورباب پرسیچیٹی کی مشترکہ ہدایتکاری میں بننے والی اینیمیٹیڈ فلم کی کہانی پیٹر پارکر نامی ایسے لڑکے گرد گھوم رہی ہے جو غیرمعمولی صلاحیتوں کا مالک ہوتا ہے اور مکڑی کی طرح ہاتھوں سے جال نکالتے ہوئے بلند و بالا عمارتوں پر سیکنڈوں میں چڑھ جاتا ہے۔مکڑی کی خصوصیت لئے یہ اسپائیڈرمین

برائی کا مقابلہ کرتے ہوئے اپنے دشمنوں کو منہ توڑ جواب دیتا ہے۔فل لارڈ اور کرس مِلرکی پروڈیو س کردہ اس فلم میں دلچسپ کمپیوٹر اینیمیٹیڈکرداروں کے ڈائیلاگ ہالی وڈاداکارلیو شرائبر، شمیک مور، مہر شالا علی اوربرائن ٹائر ہینری کی آوازوں میں ریکارڈ کروائے گئے ہیں۔کولمبیا پکچرز، سونی پکچرز اینیمیشن اورمارول انٹرٹینمنٹ کی تیار کردہ برائی کے خلاف لڑتے اور انسانیت کی مدد کرتے سپر ہیروپر مبنی یہ ایکشن ایڈونچر اینیمیٹیڈ فلم سونی پکچرز کے تحت رواں سال 14دسمبرکو سینماء گھروں میں نمائش کیلئے پیش کی جائیگی ۔