لاہور (این این آئی) ماضی کی معروف اداکارہ روحی بانو کی بہن نے ان کے لاپتہ ہونے کی خبروں کی تردید کرتے ہوئے کہا ہے کہ وہ بالکل ٹھیک ہیں۔روحی بانو نفسیاتی مرض شیزوفرینیا میں مبتلا ہیں اور فاؤنٹین ہاؤس میں علاج کیلئے آتی جاتی رہی ہیں، جہاں ایک کمرہ ان کیلئے ہمیشہ مختص رہتا ہے۔واضح رہے کہ گزشتہ روز رپورٹس سامنے آئی تھیں کہ روحی بانو کو ایک سال قبل ان کی بہن نفسیاتی ہسپتال ’فاؤنٹین ہاؤس‘ سے اپنے گھر لے گئی تھیں جس کے بعد سے ان کے

بارے میں کسی کو کچھ علم نہیں۔تاہم سابق اداکارہ کی بہن روبینہ نے ان کے لاپتہ ہونے کی خبروں کی تردید کرتے ہوئے کہاہے کہ روحی بانو بالکل ٹھیک اور بھائی کے گھر ہیں جنہیں وہ جلد میڈیا سے ملوا دیں گی۔ انہوں نے کہا کہ فاؤنٹین ہاؤس میں روحی بانو صرف علاج کرانے جاتی تھیں۔واضح رہے اعلیٰ تعلیم یافتہ اور صدارتی تمغہ برائے حْسن کارکردگی حاصل کرنیوالی روحی بانو کئی برسوں سے نفسیاتی مرض اور مالی مسائل کا شکار ہیں۔روحی بانو کی زندگی دکھوں سے بھری پڑی ہے۔