لاہور(شوبز ڈیسک) گلوکارہ عاصمہ لتا نے کہا ہے کہ اداکاری کی نسبت گلوکاری زیادہ مشکل ہے ،آج کل ریڈی میڈ گلوکار سامنے آرہے ہیں اس لئے انہیں اس فن کی قدر نہیں ۔ ’’ این این آئی ‘‘ سے خصوصی گفتگو کرتے ہوئے گلوکارہ نے کہا کہ اپنی آواز میں پختگی لانے کیلئے ریاضت لازمی عمل ہے اور میں روزانہ تین گھنٹے ریاضت کرتی ہوں ۔ انہوں نے کہا کہ میں نے بڑی محنت سے گائیگی کی دنیا میں اپنا مقام بنایا ہے اور میری خواہش ہے کہ
آخری دم تک اپنے فن کے ذریعہ پرستارں کے دلوں پرراج کرتی رہوں ۔عاصمہ لتا نے کہا کہ کسی بھی شعبے کے کچھ اسلوب ہوتے ہیں ،نئے لوگوں کو اس شعبے میں ضرور آنا چاہیے اور آبھی رہے ہیں لیکن زیادہ تعداد ریڈی میڈ گلوکاروں کی ہے جو گلوکاری جیسے مشکل فن سے ناآشنا ہیں اوراسی لئے انہیں اس کی قدر بھی نہیں ۔ نئے آنے والوں کو گلوکاری کی رموز کو سمجھنے کیلئے کسی استاد سے سیکھنا چاہیے اور منزل کی جانب بڑھنے کا یہی راستہ ہے۔
