لاہور(شوبز ڈیسک )معروف اداکارہ فرزانہ تھیم نے کہا ہے کہ کسی بھی پراجیکٹ میں ملنے والا کردار چھوٹا یا بڑا نہیں ہوتا ،ٹی وی ڈراموں میں مسلسل کام کر رہی ہوں او راسے اپنے لئے اعزاز سمجھتی ہوں۔خصوصی گفتگو کرتے ہوئے اداکارہ نے کہا کہ ٹی وی پر آنے سے پہلے تقریباً پندرہ فلموں میں اداکاری کی اور مجھے انڈسٹری کے ہر ہیرو سے ملنے کا موقع ملا بھی ملا مگر جس شفقت کا اظہار سلطان راہی نے کیا وہ آج بھی مجھے یاد ہے ۔
میں جونیئر بھی تھی مگر وہ خواتین کا بڑااحترام کرتے تھے۔ فرزانہ تھیم نے کہا کہ کسی بھی پراجیکٹ میں ملنے والا کردار چھوٹایا بڑا نہیں ہوتا بلکہ اسے نبھانے والے اداکار کا کام اسے چھوٹا یا بڑا بناتا ہے ۔ میں نے ہمیشہ اپنے کام سے انصاف کرنے کی کوشش کی ہے اور اس میں کامیاب بھی رہی ہوں ۔ مستقبل کے حوالے سے انہوں نے کہا کہ آنے ولے وقت کا علم صرف خدا تعالیٰ کی ذات کو ہے اور وہ اپنے بندوں کیلئے اچھا ہی کرتا ہے ۔
