ممبئی(شوبز ڈیسک)بالی ووڈ پرفیکشنسٹ عامر خان کی مشہور فلم ’سرفروش‘ کا سیکوئل بنانے کی تیاریاں شروع کردی گئی ہے لیکن حیران کن طور پر عامر خان فلم میں شامل نہیں ہیں۔ بالی ووڈ کے مسٹرپرفیکشنسٹ عامرخان کی فلمیں ہر دورمیں سپر ہٹ رہی ہیں جب کہ 1999 میں بننے والی فلم ’سرفروش‘ مداحوں میں بے حد مقبول ہے اور فلم میں عامر خان نے اے سی پی اجے سنگھ راٹھور کا کردار ادا کیا

تھا جو آج بھی لوگوں کے ذہنوں میں تازہ ہے اور اب فلم کا سیکوئل بنانے کی تیاری کی جارہی ہے لیکن حیران کن طور پر فلم میں اے سی پی کا کردار عامر خان نہیں کریں گے۔بھارتی میڈیا رپورٹس کے مطابق فلم ’’سرفروش‘‘ میں اے سی پی کے کردار کے لئے ہدایتکار جان میتھیو متھن اور جان ابراہم کے درمیان بات چیت جاری ہے جب کہ فلم کے سیکوئل کی کہانی نیگزل تحریک اور ریڈ کوریڈور پر مبنی ہے۔