لندن (شوبز ڈیسک)پاکستانی قوال حاجی امیر خان پر نامعلوم شخص نے حملہ کرکے بدترین تشدد کا نشانہ بنایا۔پاکستانی قوال حاجی امیر خان کی بیٹی سلینا نے بتایا کہ ان کے والد پر گزشتہ روز ایک نامعلوم سیاہ فام شخص نے حملہ کرکے انہیں بدترین تشدد کا نشانہ بنایا۔سلینا کے مطابق ان کے والد پر حملہ کرنے والے شخص نے معروف قوال کو پنچ مارے جس وجہ سے ان کے چہرے اور

آنکھ کو کافی چوٹیں لگیں۔حملے کے بعد حاجی امیر خان کی جانب سے جاری کی گئی ویڈیو میں وہ یہ کہتے ہوئے نظر آتے ہیں کہ انہیں ایک سیاہ فام شخص نے بدترین تشدد کا نشانہ بنایا۔ویڈیو میں دیکھا گیاکہ معروف قوال کی آنکھ پر پٹی لگی ہوئی اور وہ پولیس اسٹیشن میں موجود ہیں۔حاجی امیر خان کی جانب سے شکایت کے بعد لندن پولیس نے ان پر ہونے والی حملے کی تحقیقات بھی شروع کردی۔

موضوعات:پاکستانی قوال حاجی امیر خان