اٹلانٹا(آئی این پی) آسکر ایوارڈ ہالی ووڈ کے ممتاز اداکار مورگن فری مین نے برے رویے اور جنسی ہراسانی کے الزامات پر خواتین سے معافی مانگ لی ہے۔ مورگن کے ساتھ کام کرنے والے سولہ افراد نے امریکی ٹی وی چینل سی این این کی ایک رپورٹ میں
ان کے رویے کے حوالے سے شکایت کی تھی۔ایک اعلامیے میں مورگن فری مین کا کہنا تھا کہ میں ایسا انسان نہیں مگر کسی کو دکھ پہنچا ہے تو معافی مانگتا ہوں۔واضح رہے کہ ایک پروڈکشن اسسٹنٹ نے مورگن پر دو ہزار پندرہ میں دست درازی کا الزام لگایا تھا۔
