اسلام آباد (نیوز ڈٰیسک) سعودی عرب کی توانائی کمپنی ڈیلٹا انرجی نے پاکستان میں 25 سے 30 ارب ڈالر کی ممکنہ سرمایہ کاری کے منصوبے کا جائزہ لینے کا اعلان کیا ہے۔
اس سلسلے میں کمپنی نے پاکستان کی انٹر اسٹیٹ گیس سسٹمز کے ساتھ معاہدہ کیا ہے، جس کا مقصد ملک میں توانائی کے بنیادی ڈھانچے کی ترقی کے امکانات کا تعین کرنا ہے۔کمپنیوں کی جانب سے منگل کو جاری کردہ مشترکہ بیان کے مطابق مجوزہ منصوبے میں قدرتی گیس کی پائپ لائن کی تعمیر کا جائزہ لیا جائے گا۔ یہ پائپ لائن پاکستان کی مغربی سرحد سے داخل ہو کر بلوچستان کے راستے جنوب مغرب میں بحیرہ عرب کے ساحل پر واقع گوادر بندرگاہ تک پہنچانے کی تجویز ہے۔
منصوبے کے دیگر اہم حصوں میں پائپ لائن کو ممکنہ طور پر پاکستان کی مشرقی سرحد تک توسیع دینا، مائع قدرتی گیس (ایل این جی) کی سہولیات قائم کرنا، گیس کی پروسیسنگ اور ذخیرہ کرنے کے نظام کی تیاری اور برآمدی ٹرمینلز کی تعمیر کے امکانات شامل ہیں۔تخمینے کے مطابق اس منصوبے پر 25 سے 30 ارب ڈالر تک لاگت آسکتی ہے۔ تجویز کے تحت ترکمانستان سے افغانستان کے راستے آنے والی گیس پائپ لائن چمن کے قریب پاکستانی حدود میں داخل ہوگی اور بلوچستان سے گزرتی ہوئی گوادر تک پہنچے گی۔ وہاں ایل این جی ٹرمینل قائم کرنے کی بھی منصوبہ بندی کی جا رہی ہے، جبکہ مستقبل میں پائپ لائن کو ملک کے دیگر علاقوں تک پھیلانے کا امکان بھی زیرِ غور ہے۔
واضح رہے کہ پاکستان کو ماضی میں گیس کی فراہمی کے لیے مختلف پائپ لائن منصوبوں میں تاخیر کا سامنا رہا ہے۔ تاہم ڈیلٹا انرجی کے مطابق زیرِ غور منصوبہ ترکمانستان، افغانستان، پاکستان اور بھارت گیس پائپ لائن (تاپی) سے الگ ہوگا اور اس کی تکمیل کے لیے ترکمانستان پر انحصار نہیں کیا جائے گا۔
Press Release 📢
Signing of MoU at SIFC on 17 November 2026
Today Inter State Gas Systems (ISGS) a state-owned under the Petroleum Division, Pakistan and Delta Energy Saudi (DES) a Saudi-based company, part of Delta International Group signed a Memorandum of Understanding (MoU) to jointly assess the feasibility of a gas pipeline from Turkmenistan across Pakistan to Gwadar.
The signing ceremony was held under the auspices of the Special Investment Facilitation Council (SIFC) and was attended by senior leadership of SIFC, Petroleum Division, ISGS and Delta Energy.
With an estimated investment of USD 25 – 30 billion, the proposed project envisages gas pipeline from Turkmenistan through Afghanistan, entering Pakistan near Chaman and running across Balochistan to Gwadar, where an LNG terminal is planned, with a later expansion towards other locations.
The proposed gas-pipeline project is aimed to strengthen energy security, diversify supply sources and add value to the regional connectivity.
— SIFC | Special Investment Facilitation Council🇵🇰 (@sifcpakistan) November 17, 2026



















































