پیرس(این این آئی)خوشبوں اور فیشن کے عالمی مرکز پیرس میں ماہرین نے مصنوعی ذہانت کی مدد سے عطر سازی کا ایک ایسا جدید نظام متعارف کرایا
جو محض چند منٹوں کے اندر ہزاروں قدرتی اور کیمیائی اجزا کا تجزیہ کر کے بالکل نئی اور منفرد خوشبو کا فارمولا تیار کر لیتا۔ پیرس سے جاری کردہ دلچسپ رپورٹ کے مطابق روایتی طور پر کسی نئے عطر کی تیاری اور تجربات میں ماہرین کو کئی مہینے یا برس لگ جاتے تھے تاہم جدید سافٹ ویئر صارفین کی پسند، عمر اور موسمی اثرات کو مدنظر رکھتے ہوئے فوری طور پر بہترین خوشبو تجویز کرتا۔
عطر ساز کمپنیوں کے نمائندوں کا کہنا تھا کہ اس ٹیکنالوجی سے نایاب پھولوں اور قدرتی وسائل کے ضیاع کو روکنے میں بھی مدد مل رہی کیونکہ کمپیوٹر پہلے ہی بتا دیتا کہ کن اجزا کے ملاپ سے کیسی خوشبو پیدا ہوگی۔ ماہرین نے اس ایجاد کو روایت اور جدید ٹیکنالوجی کا حسین امتزاج قرار دیا۔



















































